Biltúrurin

Biltúrurin 9: Koyrt verður úr Havn og norðureftir (1:2)
19-08-2024
Maud Matras og Bárður Næs verða í bilinum, tá koyrt veður norðureftir at vitja familju í Klaksvík, men góða lagið ger, at henda fyrra sendingin endar í Norðragøtu.

Eitt kvennkyn og eitt kallkyn verða gestir á útvarps-Biltúrinum í dag. Talan er um fyrru av tveimum sendingum, her byrjað verður í Havn og koyrt norðureftir gjøgnum fleiri tunlar. Ætlanin er at vitja eina fyrikomandi konu í Klaksvík, men hana røkka vit neyvan fyrr enn um eina viku. Tí eru hesin fyrri biltúrurin meira líkur ein sokallaðum Road Trip, har steðgað verður á bensinstøð og greitt verður frá líkum og ólíkum.

Gestir eru: Maud Matras og Bárður Næs, sum arbeiða saman á matstovu í Havn. Og tey vita nógvar góðar.

 

Biltúrurin

Biltúrurin er eitt øðrvísi slag av túri. Hesin túrurin verður ikki gingin, men koyrdur saman einum fólki, ið hevur hug at tosa um sín heimstað og sítt lív.

Í ellivu sendingum gevur Jákup Magnussen okkum møguleikan at hoyra áhugaverd fólk úr fleiri oyggjum siga frá. Innihaldsliga verða fleiri av 'Biltúrurum' rættiliga søguligir, meðan aðrir bjóða prát um nútíðina, mentanina, listina, ella tankar um lívið.

BILTÚRURIN 9: Koyrt verður í Hvalba
Maud Næs, cand.mag., sigur frá heimbygd síni í søgu og nútíð. Nomið verður við evni sum: kolavinnan, serstaka náttúran, skaðatilburðir, Fiskieiðið, hvalbiarlyndið, Dímum o.a.
28-08-2023
BILTÚRURIN 8: Koyrt verður í Fuglafirði
Saman við listamanninum, Helga Midjord, hyggja vit at náttúruni við bygdina. Harumframt greiðir hann frá lívsroyndum og listaligum virksemi. Helgi er útbúgvin skipsførari.
21-08-2023
BILTÚRURIN 7: Koyrt verður í Vestmanna
Fróðamaðurin, Niels Pedersen, sigur frá søguligum viðurskiftum í bygdini, umframt nútíðini, og onkra góða søgu fáa vit eisini frá honum. Fyrr hevði hann el-fyritøku á staðnum.
14-08-2023
BILTÚRURIN 6: Koyrt verður í Runavík
Gesturin, Erla Weihe Johannesen, samfelagsfrøðingur, tosar um menningina í Runavík. Men eisini um sambandið við fitta beiggja sín, Elvin, og eitt eymt mál í familjuni, umfr.a.
07-08-2023
BILTÚRURIN 5: Koyrt verður í Havn
Saman við vertinum er Heini Magnussen; havnarmaður við stóra T. Koyrt verður ymstastaðni í kommununi og Heini gevur okkum innlit í søgulig viðurskifti. Men eisini nógv annað.
31-07-2023
BILTÚRURIN 4: Koyrt verður í Vági
Miriam Norðberg greiðir frá barnaárunum á fjarskotna bóndagarðinum. Onnur evni eru: Ítróttarháskúlin; har hon er leiðari, náttúran, bygdalívið, sjálvsinnlit, foreldrini, o.a.
24-07-2023
BILTÚRURIN 3: Koyrt verður í Klaksvík
Gestur er Andras Sólstein, leiðari á Fornminnissavninum í Klaksvík. Tískil verður nógv prátað um heimbý hansara í søgu, men eisini tónleikur, fótbóltur o.a. eru høvuðsevni.
17-07-2023
BILTÚRURIN 2: Koyrt verður í Gøtu
Hesin annar Biltúrurin í summar verður koyrdur saman við Oluffu Joensen, ið sigur frá lívinum við Gøtuvík. Onnur evni eru: kommunusamanlegging, ítróttur, bygging, bátalív o.a.
10-07-2023
BILTÚRURIN 1: Koyrt verður í Fámjin
Henda fyrsta Biltúrin í summar verður koyrt av Øraskarði oman í Fámjins bygd saman við Arna Teindal, ið greiðir frá heimbygdini í søgu og nútíð. Náttúran er eisini eitt evni.
03-07-2023
  •