Í summar koyra vit hvønn mánadag 'Biltúr' við gesti. Gjøgnum vikuna verða hesir útvarps-túrar sendir av nýggjum, eins og tilfarið er tøkt á netinum. Saman við vertinum er fólk, sum hevur tilknýti til leiðina, ið koyrd verður.

Í dag verður vitjað í Leirvík. Leirvík hevur eina ríka søgu og forngrevstur bendir á, at búseting hevur verið á staðnum áðrenn norrøn fólk komu til oyggjarnar. Petur Reinert byrjaði sum fótbóltsspælari í LÍF, áðrenn hann fult og heilt fór at miðsavna seg um dømingina. Hann greiðir eisini frá ymsum lívsviðurskiftum; avgerðini at flýta aftur til Føroya eftir lestrarár í Danmark, umframt øðrum. Petur Reinert pendlar millum Leirvík og Fuglafjørð, har hann starvast sum lærari, og hann hevur eisini motorsúkklu.