Venjarin: - Hetta var dagurin vit skuldu havt tikið trý stig

Venjarin: - Hetta var dagurin vit skuldu havt tikið trý stig
Eyðun Klakstein iðraði seg um reyða kortið og mistu leiðsluna í javnleikinum ímóti Kasakstan, tí Petur Knudsen og Géza Dávid Turi sóu út til at hava givið Føroyum sigurin
06.10.2026 - 17:34

 - Hetta var dagurin, vit skuldu havt tikið trý stig.

Tað segði Eyðun Klakstein eftir 2-2 javnleikin ímóti Kasakstan á Astana-leikvøllinum seinnapartin, og neyvan man nakar hava verið ósamdur heima í føroysku stovunum.

Petur Knudsen skallaði Føroyar framum fyri steðgin, og í seinna hálvleiki økti Géza Dávid Turi um leiðsluna við undurskoti úr stórari frástøðu.

Men beint eftir fekk Martin Agnarsson sítt seinna gula kort, og við 10 monnum fór føroyska liðið í upploysn eina løtu, og heimaliðið skoraði tvær ferðir. 

 - Vit eru á sigurskós. Heilt greitt, nógv betri, til vit missa ein mann. So kemur ófriður á liðið, og teir livna uppaftur ordiliga eina løtu og skora tvey mál. Tað haldi eg ikki var neyðugt, at teir gjørdu, segði Eyðun Klakstein.

Heimaliðið fekk eisini eitt reytt kort til endans, og Føroyar vildu hava brotsspark og høvdu ein stóran kjans eftir skjótt mótálop, men tað endaði við fjórða javnleikinum upp í slag.

 
Er kopiera
Nýggjastu sendingar í ÚV
Leygardag 14. november
Jambalaja - 141126
216417
Leygardag 14. november
Upp á tá - 131126
216412
Fríggjadag 13. november
Vikuskiftið 13 nov 2026
216396
Nýggjastu sendingar í SV
Sunnudag 15. november
Eitt dýpi av dýrari tíð 2:2
216214
Leygardag 14. november
Eitt dýpi av dýrari tíð (1:2)
216213
Fríggjadag 13. november
Veðrið
216392
Fríggjadag 13. november
Dagur og vika - teknmálstulkað
216364
Hósdag 12. november
Veðrið
216328