Føroyskt bátasmíð í vanda fyri at hvørva

Tjóðsavnið hevur nakrar nakrar føroyskar bátar í varðveitslu, sum eru til framsýningar. Men tað heldur stjórin ikki vera nóg mikið. Stóra avbjóðingin er, hvussu vit kunnu gera ein tørv, og hvussu vit kunnu skapa nýtsluna av føroyska bátinum frameftir, sigur Herleif Hammer, stjóri á Tjóðsavninum.

Viðurkendur mentanararvur
Føroyski báturin hevur stóran týdning. Kirkjubømúrurin er eitt dømi um eitt deytt ting, sum hevur stóran týdning fyri føroyska mentan og samleika. Báturin er ein livandi siðvenja, sum hevur líka stóran týdning fyri, hvussu vit skilmarka okkum, og hvussu vit siga, hvørji vit eru, sigur Herleif Hammer.

Í 2021 kom føroyski báturin á UNESCO-listan yvir umboðandi siðaarv hjá mannaættini.

Hvussu kann bátamentanin yvirliva?
Týsdagin í næstu viku fara Tjóðsavnið, føroyska UNESCO-nevndin og Runavíkar kommunu at viðgera, hvat skal til, um mentanin kring føroyska bátin skal yvirliva. Tað verður í Borg á GLyvrum.

Sí innslag úr Degi og viku.