Føroyskur filmur tilnevndur filmsvirðisløn Norðurlandaráðsins

Filmurin Seinasta paradís á jørð hjá Sakaris Stórá, er tilnevndur filmsvirðisløn Norðurlandaráðsins. Hetta er fyrstu ferð, at ein føroyskur filmur er tilnevndur virðislønina, ið er týdningarmiklasta virðisløn fyri norðurlendskan film yvirhøvur. Tað er Jón Hammer, sum hevur framleitt filmin, og handritið skrivaðu Tommy Oksen og Mads Stegger saman við Sakarisi Stórá. 

Vinnarin av filmsvirðisløn Norðurlandaráðsins verður kunngjørdur í Stockholm tann 21. oktober í sambandi við Norðurlandaráðsfundin, sum verður hildin í Stockholm í ár. Vinningurin er 300 túsund krónur.