Fáa ferðafólk at broyta ferðamynstur

Ferðafólk í Føroyum fara ofta til tey somu støðini - til Tjørnuvíkar, Saksunar, Gásadals, Gjáar o.s.fr. Hetta skapar eitt trýst á náttúruna og tey, sum búgva í nærumhvørvinum. Nýggja átakið hjá Visit Faroe Islands skal broyta hetta. Tey ynskja at broyta ferðamynstrini hjá ferðafólkunum.

Átakið er ein GPS skipan, sum hevur túrar, har mann ikki veit, hvar mann endar. Túrarnir hava eitt endaferðamál við 3-5 ferðamálum á vegnum, men tú sært bara eitt í senn. Visit Faroe Islands ynskir, at hetta skal skapa meira fjølbroytni í upplivingunum hjá ferðafólkunum og gera tey forvitin at royna nakað nýtt. 

Skipanin er gjørd við Google Maps og er á einum byrjanarstøði, so hon kann mennast nógv - bæði til fleiri túrar og aðrar ferðamátar. 

Átakið er í samstarv við 62N, sum leigar bilarnar út og tekur ímóti bíleggingunum.