- Tíðindi, mentan og ítróttur
Við Tórði á túri
Góður prísur og so høgur fiskaprísur, sum menn ikki vita um at siga nær í námind, hevur merkt útróðurin á Norðhavinum í vár. Miðalprísurin á toski er hækkaður millum 10 og 20 kr. fyri kilo síðani í fjør, og tann hægsti toskaprísurin fer upp um 50 kr. kilo.
Í sendingini verður tosað Jenny og Sonna Kallsoy av Eiði, sum rógva út saman og hava gjørt tað í nógv ár.
-Á sjónum er fantastiskt. Ikki minst tá tú sært oyggjarnar í nógvum ymsum umstøðum, sigur Jenny. Hon heldur tað mest umráðandi er, at man er nøgdur við tað sum man ger, og hon er ógviliga glað fyri at kunna rógva út saman við manninum Sonna.
Hini, sum eru við í sendingini, eru:
Árni Kjærbæk, Vilhelm Petersen, Jógvan Olivur Thomsen á Bátafiski, Johan Joensen hjá Hans Egil Joensen & Synum, Hans Egil Joensen, Jenny Kallsoy, Sonni Kallsoy, Høgni Hansen, stjóri á Fiskamarknaði Føroya, Osmundur Justinussen, sum hevur eygleitt EL Ninó, Esmar Sørensen, Albert Dam.
Við Tórði á túri
Tórður Mikkelsen vitjar bygdir og býir kring landið við mikrofonini og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum.
