- Tíðindi, mentan og ítróttur
Nert ikki við
Vit tosa við Ingu Toftegaard um hennara søgu á barnaheiminum og í fosturfamilju.
Vit vendu okkum til Barnaverndina, ið ikki svaraði aftur áðrenn freistina og hava tí ikki nakað fakligt sjónarmið í dag.
Vit hava valt at senda partin kortini, tí vit halda tað er týdningarmikið at Inga sleppur at siga sína søgu.
Í sendingini í dag tosa vit m.a. um kynsligan ágang og sjálvmorð. Um tú stríðist við hetta, kann tað vera hent ikki at lurta.
Og um tú stríðist ella kennir onkran, ið stríðist, so er hjálp at heinta. Umframt at tosa við vinir ella avvarðandi, ber til at fáa professiónella hjálp hjá eitt nú kommunulækna ella vaktlækna á telefon 1870. Tú kanst eisini fáa sálarfrøðiliga hjálp ella royna kjattráðgevingina hjá Sinnisbata. Ung fólk kunnu eisini leita sær hjálp og vegleiðing hjá Tú og Eg ráðgevingini hjá Barnabata á telefon 116111.
Vertir eru Anna Joensen-Næs og sálarfrøðingur Bjørt Lind.
Nert ikki við
Nert ikki við er sending, sum fer at nema við evni, ið vit vanliga ikki nerta við innan sálarheilsuøkið í Føroyum. Hvør sending hevur eitt persónligt og eitt fakligt sjónarmið.
Vertir eru Anna Joensen-Næs og sálarfrøðingur Bjørt Lind.
