"Byrådets bekæmpelse af bumser i byrummet", sigur listamaðurin og kritikkarin Ole Wich millum annað um Steinatún, í sendingini Almenna rúmið - Steðgur í Steinatúni.

Í sendingini verður farið á rannsóknarferð í almennum útirúmum, har nógv umrødda Steinatún verður nýtt sum dømi. Vit fara at kanna, hvussu hesi útirúm eru hugsað, hvussu tey kunnu betrast, hvussu tey eru ætlaði, hvussu vit trívast í teimum og hví.

Ferðaleiðarar á steðginum í Steinatúni eru fakfólk, ið vita. Hesi eru Ole Wich, listamaður, Heidi Poulsen, arkitektur, Kinna Poulsen, listafrøðingur, Ólavur Sverri Trond Thorsteinsson, listamaður og Michael Jacobæus, landslagsarkitektur.