Hvítu húsini góvu boð um at avmarka atgongdina til SpaceX

Hvítu húsini góvu boð um at avmarka atgongdina til SpaceX
Sambært ukrainska forsetanum fekk herurin onga ávaring, áðrenn Russland leyp á Ukraina í vikuni
 
16.10.2026 - 09:02

Boðini um at avmarka atgongdina hjá Ukraina til SpaceX Starshield komu úr Hvítu húsunum.

Tað siga tvey amerikonsk embætisfólk, sambært Reuters. 

SpaceX er ein fylgisveinaskipan, sum Ukraina brúkar til samskifti á vígvøllinum og til at stýra dronum.

Embætisfólkini, sum vilja vera dulnevnd, upplýsa ikki, hvør í Hvítu Húsunum gav boðini.

Sambært einum ráðgeva hjá ukrainska forsetanum, fekk herurin onga ávaring undan tveimum russiskum álopum á Ukraina fyrr í vikuni, og broytta støðan órógvaði fleiri hernaðarligar uppgávur við dronum.

 

Zelenskyj á ES-toppfundi

Ukrainski forsetin, Volodymyr Zelenskyj, fer á ES-toppfund í Brússel seinni í dag. 

- Endamálið hjá honum er greitt, sigur Olav Christensen, journalistur hjá TV2, sum er staddur í belgiska høvuðsstaðnum. 

Málið hjá Zelenskyj er at tryggja sær fíggjarligan stuðul og lyfti um hernaðarliga útgerð, so Ukraina klárar seg gjøgnum veturin og komandi árið. 

Metingar vísa, at Ukraina hevur brúk fyri 70 milliardum evrum, tað eru meira enn 500 milliardir í okkara peningi, at halda samfelagið gangandi næsta ár. 

- ES er avgerandi, tí evropisku londini eru síðstu vinirnir, sum Ukraina hevur nú, sigur Olav Christensen.  

Er kopiera
Nýggjastu sendingar í ÚV
Mikudag 11. november
Dansival 11 nov 2026
216272
Mikudag 11. november
Vágskálin: Millum veruleika og óveruleika
215895
Mikudag 11. november
Skratsj 11. novembur 2026
216266
Mikudag 11. november
Mono - 90'ini undir lupp (2:4)
216264
Mikudag 11. november
Eg kendi meg sum greinina
216035
Nýggjastu sendingar í SV
Sunnudag 15. november
Eitt dýpi av dýrari tíð 2:2
216214
Leygardag 14. november
Eitt dýpi av dýrari tíð (1:2)
216213
Týsdag 10. november
Veðrið
216210
Mánadag 9. november
Veðrið
216154
Sunnudag 8. november
Bygdarlív 3 - Skálavík
216096