Eldur kom í bil í Norðoyatunlinum

Eldur kom í bil í Norðoyatunlinum
Góðan hálvan tíma eftir fráboðanina var eldurin sløktur
 
04.10.2026 - 11:30

Klokkan 20 minuttir í midnátt í gjárkvøldið fekk politiið fráboðan um, at eldur var í einum bili í Norðoyatunlinum.

Tað var førarin sjálvur, sum boðaði politinum frá, at eldur var í bilinum, sum stóð nakað miðskeiðis inni í tunlinum.

Tunnilin varð stongdur beinanvegin, og boð vórðu send eftir sløkkiliðnum. Sløkkiliðið fór inn í tunnilin leirvíkarmegin, tí vindurin lá tann vegin.

Klokkan umleið eitt korter til eitt - góðan hálvan tíma eftir at fráboðanin var komin - var eldurin sløktur, men roykur var inni í tunlinum.

Av politistøðini verður sagt, at tað gekk væl at fáa sløkt eldin og at rudda tunnilin fyri ferðslu. Førarin av bilinum, sum eldur kom í, slapp sjálvur upp í ein annan bil, sum vendi og koyrdi út aftur, og báðu megin við ávaraðu bilarnir, sum høvdu vent við, aðrar bilar, sum so eisini vendu við og fóru úr tunlinum aftur.

Nakað eftir klokkan tvey læt tunnilin upp aftur, men í fyrstu atløgu bert tað eina sporið, úr Leirvík og norðureftir.

Nakað seinni hendi so eitt lítið ferðsluóhapp í tunlinum. Ein bilur bremsaði heldur knappliga, tí hann sá fólk ganga í tunlinum og rudda upp, og tað førdi til, at bilurin aftanfyri rendi upp í fremra bilin.

Frá politinum verður sagt, at alt spældi væl av, og at arbeiðið, frá tí fráboðanin kom, eydnaðist væl. Tað einasta, sum ikki riggaði, var bummurin klaksvíksmegin, sum ikki vildi fara upp aftur, tá politiið vildi.

Bilurin, sum eldur kom í, var ikki ein elbilur.

Er kopiera
Nýggjastu sendingar í ÚV
Mikudag 11. november
Dansival 11 nov 2026
216272
Mikudag 11. november
Vágskálin: Millum veruleika og óveruleika
215895
Mikudag 11. november
Skratsj 11. novembur 2026
216266
Mikudag 11. november
Mono - 90'ini undir lupp (2:4)
216264
Mikudag 11. november
Eg kendi meg sum greinina
216035
Nýggjastu sendingar í SV
Sunnudag 15. november
Eitt dýpi av dýrari tíð 2:2
216214
Leygardag 14. november
Eitt dýpi av dýrari tíð (1:2)
216213
Týsdag 10. november
Veðrið
216210
Mánadag 9. november
Veðrið
216154
Sunnudag 8. november
Bygdarlív 3 - Skálavík
216096