Ólavur Olsen nýggjur leiðari í Tórshavnar Musikkskúla

Ólavur Olsen er settur sum leiðari í Tórshavnar Musikkskúla, skrivar Tórshavnar kommuna.

Ólavur Olsen er 49 ára gamal og útbúgvin tónleikari og tónleikalærari frá Det Jyske Musikkonservatorium við trompet sum høvuðsljóðføri. Í 2022 varð hann liðugur við diplomútbúgving í leiðslu á Glasi.

Ólavur Olsen hevur starvast sum tónleikalærari í musikkskúlaskipanini síðan 2004, og hevur verið varaleiðari í Tórshavnar Musikkskúla síðan 2016. 

Seinastu tíðina hevur Ólavur Olsen røkt starvið sum virkandi leiðari í Tórshavnar Musikkskúla, og tekur nú við sum leiðari.