Stóra uppsjóvarreiðaríið verður av ongum

Samanleggingin, sum skuldi vera grundarlagið undir einum nýggjum og stórum uppsjóvarreiðaríi, verður av ongum

Við góðkenning frá Kappingareftirlitinum tóktist vera leyst og liðugt - eitt nýtt stórreiðarí í føroysku uppsjóvarvinnuni var veruleiki. 

Reiðaríini Ango í Vági, Gráastein í Havn og helvtin av reiðarínum Kinnfelli í Miðvági - sum er farið í tvíningar - bóðu í summar um loyvi at leggja saman.

Tilsamans hava hesi trý uppsjóvarskip, sum øll komu í flotan, tá politiska skipanin fyri nøkrum árum síðani vildi hava fleiri aktørar í flotan, fiskað fyri millum 250 og 270 milliónir krónur um árið tey síðstu árini.

Grafikkur um uppsjóvarskip

8-10 prosent av landingarvirðinum 

Nýggja felagið hevði verið eitt sterkt reiðarí við 8-10 prosentum av samlaða landingarvirðinum av makreli, svartkjafti og norðhavssild. 

Í síðstu viku - stutt eftir at Kappingareftirlitið hevði góðkent samanleggingina - komu kontraboð frá umsøkjarunum. Felagið Gráastein var ikki við kortini.

Eingin fæst at siga nakað um orsøkina. 

Gráastein heldur fram

Men tað er greitt, at Birgir Lu:tzen og Kim Durhuus halda fram við felagnum Gráasteini, eins og teir hava gjørt higartil. 

Í Vágum stendur Tummas Henriksen eftir við skipinum Katrin Jóhonnu - við hálvari kvotu...

Og í Vági standa Heri Godtfred, Hjarnar Dalsgaard (gård) og hinir eigararnir eftir við hálvari aðrari kvotu, men ongum skipi....

Tí skipið Ango varð herfyri selt til Marokko.