Íslendingar siga nei til ES

Íslendingar hava sagt nei til at taka samráðingar um limaskap í ES uppaftur.

Landið var ógvuliga tvíbýtt og endaliga úrslitið var, at 47,5% søgdu ja og 52,5% søgdu nei.

Tey, sum svaraðu nei vóru sløk tíggju túsund fleiri enn tey, sum svaraðu ja.

Tað búgva nærum 400 túsund fólk í Íslandi.

Í Reykjavík var greiður meiriluti fyri at fara aftur til samráðingarborðið, men nei-síðan vann greitt í fleiri av valdømunum uttan fyri høvuðsstaðin.

Og nú úrslitið er greitt heitir íslendska forsætisráfrúan, Kristrún Frostadóttir á fólk um at standa saman.

Hon sigur, at hon vónar, at fólkaatkvøðan ikki klývur tjóðina, og at hon ikki hevur latið sár eftir seg. 

Samráðingar við ES verða sostatt ikki tiknar uppaftur.

Hoyr stjórnmálafrøðingin Siggu Blöndal greiða frá valdegnum her