Eginfíggingin framvegis ikki í lagi

Kirkjusóknin hevur ikki triðingin av tí, kirkjan kostar at byggja.

Og tí er byggiloyvi ikki givið til kirkjuna á Argjum.

Tað er svarið frá Bárði á Lakjuni, landsstýrismanni, til Fróða Magnussen, løgtingsmann.

Gamla kirkjan á Argjum skal seljast.

Men peningur fyri ta søluna verður í fyrsta lagi tøkur á kontuni hjá kirkjuráðnum tann 1. januar 2028.

Hann kann tí ikki takast við í triðingin hjá kirkjusóknini.

Treytin um at eiga ein triðing av byggikostnaðinum, áðrenn loyvi verður givið til at byggja, er lutfalsliga strong. 

Orsøkin er, at sambært rættarvenju kann ein kirkja ikki vera seld á tvingsilssølu, sigur landsstýrismaðurin. 

Hetta ger, at fer ein verkætlan at byggja eina kirkju av knóranum, heftir øll kirkjuskipanin í seinasta enda fyri skuldina.