Múte B. Egede: Vit eiga avgerðina um framtíð Grønlands

Grønlendski landsstýrismaðurin í uttanríkismálum, Múte B. Egede, svarar nú aftur, eftir at amerikanski uttanríkisráðharrin, Marco Rubio, í eini hoyring í amerikanska umboðsmannatinginum gjárkvøldið millum annað segði seg taka undir við Trump, forseta, sum helur, at "tað er lættari at verja eitt øki, um ein eigur tað."

Tað skrivar grønlendski miðilin, Sermitsiaq.

Í fráboðan á Facebook skrivar grønlendski landsstýrismaðurin í uttanríkismálum, at:

- Vit taka avgerð um framtíðina hjá Grønlandi. Soleiðis hevur tað verið og soleiðis verður eisini frameftir. Seinastu útsagnirnar hjá USA broyta einki, sigur grønlendski landsstýrismaðurin í uttanríkismálum.

Um samráðingarnar millum tey trý londini, Danmark, Grønland og USA, sigur Múte B. Egede, at tosað verður um m.a. trygd og verju.

- Tað gera vit á ein munadyggan hátt og við virðing fyri pørtunum. Lat okkum ikki víkja frá hesi gongdini, skrivar grønlendski landsstýrismaðurin í uttanríkismálum.