Klaksvík er 44 milliónir undir skuldarmarkinum

Nettoskuldin hjá Klaksvíkar kommunu er 358 milliónir krónur. Tað eru 44 milliónir krónur undir skuldarmarkinum, skrivar kommunan á heimasíðuni.

Klaksvíkar býráð samtykti á býráðsfundi í síðstu viku roknskapin fyri 2025.

Roknskapurin vísir 22 mió. krónur í avlopi fyri avdráttir. Samlaðu inntøkurnar í árinum vóru 401,8 milliónir krónur, meðan rakstrarútreiðslurnar vóru 306,2 milliónir krónur.

54,1 millión krónur vóru brúktar til íløgur í 2025, og bankaskuldin hjá kommununi er vaksin úr 391,1 milliónum krónum við ársbyrjan upp í 413,1 milliónir krónur við árslok, - tað er ein nettoøking upp á 22 mió. kr.

Hava lænt 40 mió. 

Í árinum hevur kommunan lænt 40 milliónir krónur, og 18 milliónir krónur eru rindaðar í avdráttum.

Kreditorar eru 25,1 milliónir krónur, og onnur skuld er 12 milliónir krónur. 

Í hesum eru 6,3 milliónir krónur setta av til Landsverk í sambandi við grót til Norðhavnina.