Hormuzsundið stongt aftur

Hormuzsundið stongt aftur
Í morgun skrivaði kringvarpsstøðin hjá iransku stjórnini, IRIB, á sosiala miðlinum X, at Hormuzsundið er stongt aftur.
 
18.04.2026 - 13:05

Iran sigur, at USA ikki hevur hildið sín part av avtaluni í sambandi við, at iranska stjórnin í gjár lat Hormuzsundið uppaftur.

Sambært IRIB, sum hevði høvuðsstøðina hjá iranska herinum sum keldu, gjørdi Iran eina avtalu um at loyva einari avmarkaðari nøgd av skipum ígjøgnum Hormuzsundið. 

Men sambært iranum skuldi USA gevast við stongslinum móti Iran, so eisini iransk skip sluppu at sigla frítt. Men stutt eftir, at Iran hevði latið sundið uppaftur segði amerikanski forsetin, at USA fór at halda fast við stongsulin ímóti iranskum havnum og skipum.

Sambært altjóða miðlum endurtóku iransku myndugleikarnir hesa fráboðanina, av tí, at USA ikki hevur hildið sín part av avtaluni, um at øll skip sleppa at ferðast frítt. Tí verður skipaferðslan gjøgnum sundið aftur undir strongum eftirliti frá Iran.

Um Hormuzsundið er heilt stongt ella ikki, ber tó ikki til at siga beint nú. Men fyrr í dag visti Danmarks Radio at siga frá, at tað er skotið eftir minst tveimum handilsskipum, sum vóru á veg gjøgnum sundið. Keldan hjá Danmarks Radio var Reuters, sum hevði tosað við tríggjar loyniligar keldur í skipavinnuni. 
 

Er kopiera
Nýggjastu sendingar í ÚV
Leygardag 14. november
Jambalaja - 141126
216417
Leygardag 14. november
Upp á tá - 131126
216412
Fríggjadag 13. november
Vikuskiftið 13 nov 2026
216396
Fríggjadag 13. november
LEITISSTEIN 13.11.2026 (Anna Katrin Egilstrøð)
216384
Nýggjastu sendingar í SV
Sunnudag 15. november
Eitt dýpi av dýrari tíð 2:2
216214
Leygardag 14. november
Eitt dýpi av dýrari tíð (1:2)
216213
Fríggjadag 13. november
Veðrið
216392
Fríggjadag 13. november
Dagur og vika - teknmálstulkað
216364
Hósdag 12. november
Veðrið
216328