Amerikanski stongsulin av iranskum havnum er byrjaður

Amerikanski stongsulin av iranskum havnum er byrjaður
"Iran leggur trýst á heimin, og tað sleppur ikki at halda fram," segði Donald Trump, amerikanskur forseti, nú amerikanski stongsulin av iranskum havnum er byrjaður
Hormuzsundið, ið er vorðið mest umtalaða stað á jørð, síðani USA og Ísrael lupu á Iran
Mynd: Shutterstock.com  
 
14.04.2026 - 15:16

Donald Trump, forseti, váttar á tíðindafundi í Hvítu Húsunum, at amerikanski stongsulin av iranskum havnum er byrjaður, skrivar Reuters tíðindastovan.

Amerikanski forsetin segði, at Iran leggur trýst á heimin, og tað sleppur ikki at halda fram.

Annars veit Reuters-tíðindastovan at siga frá, at ábendingar eru um, at samráðingarfólkini hjá USA og Iran fara aftur til samráðingarborðini í Islamabad í næstum.

 

Fyrstu samráðingar síðani 1979

Friðarsamráðingarnar, sum eru fyrstu veruligu samráðingarnar millum USA og Iran síðan islamisk kollveltingina í 1979, slitnaðu áðrenn vikuskiftið og stongsulin, sum USA setti í verk eftir tað, er eitt úrslit av tí.

Oljuprísurin er hækkaður nógv síðan USA og Ísrael lupu á Iran 28. februar. Hann hevur ligið omanfyri 100 dollarar fyri tunnuna.

Samráðingarnar um vikuskiftið tykjast, sambært Reuters-tíðindastovuni, at hava havt eina positiva ávirkan á oljumarknaðin. Tað hevði m.a. við sær, at oljuprísurin fór niður um 100 dollarar fyri tunnuna fyrrapartin.

 

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Nýggjastu sendingar í SV
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214