Jósef avgjørdi fyri Víking við fyrsta málinum í bestu deildini

Jósef Ólavsson Gleðisheyggj  var helst fegnasti maðurin í Sarpugerði í kvøld. 

Hann skoraði sítt fyrsta mál í bestu deildini, og ikki nóg mikið við tí. Tað gav Víkingi týðandi sigur á HB í Meistaradeildini.

HB legði seg annars framum við málið frá Storm Pettersen, sum hevur skorað í øllum trimum dystunum í Meistaradeildini higartil.

Havnarliðið var kortini ikki leingi á odda. Tá 73 minuttir vóru spældir javnaði Arnbjørn Svensson, og bert tríggjar minuttir skeyt 18 ára gamli bakkurin Víking á sigurskós við einum fløtum skoti úr høgru síðu.

HB verður tí verandi á seks stigum, meðan Víkingur kemur upp á fýra.