USA lopið á oljuøkið Kharg í Iran

USA lopið á oljuøkið Kharg í Iran
Amerikonsk hermegi leyp í nátt á iransku oynna Kharg, sum er ein týðandi partur fyri iranska oljuinfrakervið
USA hevur í nátt lopið á oynna Kharg í Iran
Mynd: AFP/Ritzau Scanpix  
 
14.03.2026 - 12:45

Í nátt framdi amerikonsk hernaðarmegi álop á Iransku oynna Kharg.  

Tað skriva miðlar sum DR og Reuters.  

Sambært DR sigur Donald Trump seg hava oyðilagt øll hernaðarlig mál á oynni.  

Hóast oyggin ikki fevnur um meira enn 20 ferkilometrar, so fer okkurt um 90 prosent av oljuútflutninginum hjá Iran gjøgnum Kharg. Hetta ger oynna til eitt ógvuliga búskaparliga viðkvæmt mál, skrivar The Guardian.

Sambært Trump er einki av oljuinfrakervinum tó rakt. Men um hetta verður verandi soleiðis er óvist og sambært forsetanum veldst tað um Iran ella onnur "gera nakað fyri at órógva ta fríu og tryggu ferðsluna hjá skipum gjøgnum Hormuzsundið", skrivar DR.

 

Mynd: AFP/Ritzau Scanpix

 

Iran hóttir hinvegin við at leypa á oljufeløg sum samstarva við USA, um amerikanarar leypa á oljuinfrakervið í oynni.

Um Trump endar við at gera álvara av síni hóttan, og oyðileggur oynna fer hetta at ávirka oljuprísirnar enn longur uppeftir, sigur Arne Lohmann Rasmussen, høvuðsgreinari hjá Global Risk Management, við DR.

Er kopiera
Nýggjastu sendingar í ÚV
Leygardag 14. november
Jambalaja - 141126
216417
Leygardag 14. november
Upp á tá - 131126
216412
Fríggjadag 13. november
Vikuskiftið 13 nov 2026
216396
Fríggjadag 13. november
LEITISSTEIN 13.11.2026 (Anna Katrin Egilstrøð)
216384
Nýggjastu sendingar í SV
Sunnudag 15. november
Eitt dýpi av dýrari tíð 2:2
216214
Leygardag 14. november
Eitt dýpi av dýrari tíð (1:2)
216213
Fríggjadag 13. november
Veðrið
216392
Fríggjadag 13. november
Dagur og vika - teknmálstulkað
216364
Hósdag 12. november
Veðrið
216328