Hondbóltsmenninir: Stórur hópur tikin út til venjingar

Fleiri spælarar við ongum ella mestsum ongum A-landsliðsroyndum eru við í stórum bruttohópi, sum landsliðsvenjararnir Peter Bredsdorff-Larsen og Hjalti Mohr Jacobsen hava tikið út til venjingar í næstum.

Hondbóltsmenninir skulu spæla røkkstøkk-dystir um pláss í HM-endaspælinum í mai ímóti annaðhvørt Bosnia Hersegovina ella Kosovo, og 32 mans eru við til venjingarnar, sum byrja sunnukvøldið og halda fram alla næstu viku.

Venjingarnar eru liður í fyrireikingini til HM-dystirnar í mai, men venjararnir skulu eisini brúka dagarnar at royna ungar spælarar og spælarar, sum ikki hava verið fastur partur av vanliga dystarhópinum.

hondbolt_bak.png

Tildømis kann nevnast, at fýra málverjar eru tiknir út, 15 bakkar - millum annað fyrrverandi liðskiparin Peter Krogh - og átta vengur.

Fyrsta venjingin er sunnukvøldið við Tjarnir. Týskvøldið kl. 19.00 er innahýsis venjingardystur í Vestmanna.

Føroyski hópurin:

Málverjar
Pauli Jacobsen, Sandnes (NOR)
Bjarni Jacobsen, VÍF
Micah Wardum Ragnarsson, H71
Tóraldur Kollsker, H71

Bakkar
Tróndur Mikkelsen, HF Karlskrona (SWE)
Rói Ellefsen á Skipagøtu, IF Hallby HK (SWE)
Óli Mittún, GOG (DEN)
Elias Ellefsen á Skipagøtu, THW Kiel (GER)
Pauli Mittún, Team Sydhavsøerne (DEN)
Vilhelm Poulsen, TSV Hannover-Burgdorf (GER)
Kjartan Johansen, Elitesport Vendsyssel (DEN)
Pauli Rasmussen, StÍF
Høgni Heinason, H71
Peter Krogh, H71
Sveinur Olafsson, Afturelding (ISL)
Dánjal Ragnarsson, Fram (ISL)
Trúgvi Hávardsson, StÍF
Jónas Gunnarson Djurhuus, HC København (DEN)
Bjarni í Selvindi, Valur (ISL)

Strikur
Teis Horn Rasmussen, Ribe-Esbjerg HH (DEN)
Pætur Mikkjalsson, Team Sydhavsøerne (DEN)
Ísak Vedelsbøl, IK Sävehof (SWE)
Helgi Hildarson Hoydal, H71

Vengur
Rói Berg Hansen, Køge Håndbold (DEN)
Leivur Mortensen, HC København (DEN)
Pauli Høj, Bergsøy (NOR)
Hákun West av Teigum, Füchse Berlin, (GER)
Allan Norðberg, Valur (ISL)
Janus Gunnarson Djurhuus, HC København (DEN)
Niklas Gaard, Kyndil
Magnus Árason, GOG (DEN)
Jákup Egholm, H71