Hava rannsakað íbúðina hjá Jagland

Norska ríkisløgreglan, Økokrim, hevur fyrrapartin rannsakað íbúðina hjá fyrrverandi forsætisráðharranum, Thorbjørn Jagland.

Tað skriva norskir miðlar.

Thorbjørn Jagland hevur eisini verið aðalskrivari í Evroparáðnum og leiðari í norsku Nobel-nevndini.

At Økokrim rannsakar íbúðina hjá Torbjørn Jagland, kemur eftir, at hann misti órin sítt í Evroparáðnum, har hann var aðalskrivari frá 2009 til 2019. 

Jagland hevur havt órin fyri arbeiði sítt sum aðalskrivari, men ein samd ráðharranevnd í Evroparáðnum avgjørdi at taka órinið, immunitetin, frá honum í gjár.

Si videobrot frá NRK:

Grovt mutur

Thorbjørn Jagland er undir illgruna fyri at hava framt groft mutur, eftir at navn hansara fleiri ferðir er nevnt í teimum nýggjastu Epstein-skjølunum, sum amerikanska løgmaálaráðið almannakunngjørdi í síðstu viku.

Deyði ríkmaðurin, Jeffrey Epstein, er dømdur fyri kynslig brotsverk.

Sambært Økokrim fara tey at kanna, um Jagland hevur fingið gjøld ella veitingar, so sum gávur, ferðir og lán, tíðarskeiðið 2009 til 2019.

Sambært verja hansara, sigur Jagland seg einki revsivert hava gjørt.