Fíggjarmálaráðharrar í ES ætla at svara revsitolli frá Trump aftur

Fíggjarmálaráðharrar í ES ætla at svara revsitolli frá Trump aftur
Næstu dagarnir verða avgerandi fyri sambandið millum ES og USA, sigur írski fíggjarmálaráðharrin
Fíggjarmálaráðharrarnir í ES hava fund í Brússel í dag.
 
20.01.2026 - 15:01

Fíggjarmálaráðharrarnir í Evropeiska Samveldinum eru í dag í Brússel, har teir skulu semjast um eitt búskaparlig aftursvar til eina røð av hóttanum um amerikanskan toll á evropiskar vørur.

Tollhóttanirnar hjá Trump kunnu gerast veruleiki longu í næsta mánaði, siga embætisfólk.

- Næstu dagarnir verða avgerandi, tá tað snýr seg um ES og sambandið við USA, sigur írski fíggjarmálaráðharrin, Simon Harris, við AP-tíðindastovuna í dag.

- Tað er av alstórum týdningi, at sterk diplomatisk átøk verða sett í verk fyri at royna at taka broddin úr óvanliga hættisligu búskaparligu støðuni. Vit vita øll, at tollurin er ringur fyri írska búskapin, hann er ringur fyri evropiska búskapin, eisini tann amerikanska, men hetta er djúpari enn tað. Tað kann elva til eina ringrás av óstøðugum tiltøkum, sum kunnu hava álvarsligar avleiðingar, sigur írski fíggjarmálaráðharrin Simon Harris.

 

Ursula von der Leyen, forkvinna í ES-nevndini, á røðarapallinum i Davos í dag. (Mynd: Denis Balibouse/Reuters/Ritzau Scanpix)

 

Á Davos á fundi um heimsbúskapin

Amerikanski forsetin, Donald Trump, forkvinnan í ES-nevndini, Ursula von der Leyen, og aðrir heimsleiðarar eru farin til Davos í Sveis til árliga heimsbúskaparfundin, World Economic Forum. Enn eru ongir fundir avtalaðir millum evropisku leiðararnar og Trump.

Forkvinnan í ES-nevndini, Ursula von der Leyen, vissaði í røðu síni fyrrapartin um, at Evropa kennir sínar skyldur í Arktis. 

- ES kennir fullvæl sínar skyldur í Arktis, og vit eru samd við USA um endamálið hesum viðvíkjandi. Tí eru ætlaninar um eyka avgjøld - serliga á trúgvar sameindar - eitt mistak. ES og USA samdust um nýggjan handilssáttmála í juli mánaði. Og í politikki eins og í vinnulívinum er eitt orð eitt orð, og eitt lógvatak millum vinir eigur at hava týdning, segði Ursula von der Leyen, forkvinna í Es-nevndini.

Eftir fundin í Davos hittast teir 27 ES-leiðararnir í annaðkvøld í Bruxelles til ein bráðfeingis fund um viðurskiftini handan Atlantshav. 

 


 

Er kopiera
Nýggjastu sendingar í ÚV
Leygardag 14. november
Jambalaja - 141126
216417
Leygardag 14. november
Upp á tá - 131126
216412
Fríggjadag 13. november
Vikuskiftið 13 nov 2026
216396
Fríggjadag 13. november
LEITISSTEIN 13.11.2026 (Anna Katrin Egilstrøð)
216384
Nýggjastu sendingar í SV
Sunnudag 15. november
Eitt dýpi av dýrari tíð 2:2
216214
Leygardag 14. november
Eitt dýpi av dýrari tíð (1:2)
216213
Fríggjadag 13. november
Veðrið
216392
Fríggjadag 13. november
Dagur og vika - teknmálstulkað
216364
Hósdag 12. november
Veðrið
216328