Breddin: Mótmælini í Iran

Í Iran hevur ein nýggj mótmælisalda tikið seg upp. Hon byrjaði seint í desember. 

Tað, sum byrjaði sum mótmæli móti einari djúpari búskaparkreppu, er skjótt vaksið til eina landsfevnandi mótstøðu móti myndugleikunum og teokratiska stýrinum í landinum - sum vanliga verður nevnt prestastýrið.

Mótmæli hava breitt seg til ein stóran part av landinum, og svarið frá myndugleikunum hevur verið harðrent sum so ofta fyrr.

Tað er ógreitt, hvussu nógv mótmælisfólk eru deyð, men mannarættindafelagsskapir og óheftar keldur tosa um túsundtals dripin.

Altjóða samfelagið fylgir støðuni, og Iran er aftur vorðið miðdepil í einum breiðum geopolitiskum spenningi í Miðeystri.

Í Breddanum í dag hyggja vit nærri at, hvat veruliga hendir í Iran í løtuni - og hvørjar avleiðingarnar av mótmælunum kunnu vera.

Breddin klokkan 10.