Pengarnir úr Danmark niðri á tveimum prosentum

Ríkisveitingin, blokkurin, er tvey prosent av bruttotjóðarúrtøkuni, sum er 28,4 milliardir krónur.

Í fjør var rikisveitingin 2,1 prosent av BTÚ.

Prosentparturin minkar hvørt ár. Hann var til dømis trý prosent í 2020.

Størstur var hann í 1994. Tá var hann 17,1 prosent.

Í fjør var ríkisveitingin 3,9 prosent av inntøkunum hjá landi, kommunum og almennum grunnum.

Fer niðureftir

Eisini tað talið fer niðureftir.

Tað var 5,3 prosent í 2020 og 17,1 prosent í 1999.

Tølini til 1997 eru ikki tøk.

Hesi tølini eru í svari frá Ruth Vang, landsstýriskvinnu, til Erling Eidesgaard, løgtingsmann.

Hann sigur, at var ríkisveitingin strikað í einum, høvdu vit neyvan merkt meira enn eitt lítið sveiggj í búskapinum.

Men hóast hann nú bara er ein fíggjarligur viðfáningur, so fyllir blokkurin framvegis nógv í politiska kjakinum, sigur Erling Eidesgaard.