Skuldsettur fyri innbrot

Tann skuldsetti persónurin játtar seg sekan. 

Tað var mikudagin, at boðað var frá innbroti í Á-handilinum við Norðskála.

Tjóvarnir høvdu funnið lykilin til pengaskápið og tikið nógvar túsund krónur haðani.

Løgreglan kann ikki nevna tað nágreiniligu upphæddina, men at tað liggur í millum 10.000 og 50.000 túsund krónur. 

Vakmyndatól vísa, at talan er í øllum førum um tvey fólk. Enn veit løgreglan ikki, hvørjir hinir tjóvarnir eru, og málið verður framvegis kannað.