Tingfólk hótt: "Loyvt at drepa barnamordarar"

- Vit kanna málið, sigur Jógvan Páll Joensen, vara-løgregluovasti, eftir fundin fyrrapartin, har løgreglan viðgjørdi hóttanirnar móti tingfólkum, sum atkvøddu fyri broytingini í fosturtøkulógini.

Fleiri tingfólk hava boðað løgregluni frá, at tey eru hótt gjøgnum sosialar miðlar ella í sms-boðum.

Í boðunum stóð, at viðkomandi var settur á listan við rættvísari fosturtøku. 

Umframt nógv annað, skrivaði maðurin á sosiala miðilinum X seint fríggjakvøldið og leygarnáttina, at hann hevur sett øll tey 17, sum atkvøddu fyri lógini um fosturtøku, á tað, hann kallar ein rættvísan fosturtøkulista.

Steen Nørskov, chefpolitiinspektørur, Jógvan Páll Joensen, varapolitiinspektørur, løgreglan

Jógvan Páll Joensen, varaløgregluovasti, til høgru á myndini saman við Steen Nørskov, løgregluovasta (Mynd: Bjarni Árting Rubeksen)

Skulu angra alment

Eisini stóð, at um tey alment angraðu, so blivu tey strikað á listanum. 

Men, legði sendarin afturat, tað er loyvt at drepa barnamordarar.

Leygardagin segði løgreglan, at talan er ikki um føroying. Talan er um ein mann, sum býr í Danmark.

Jógvan Páll Joensen, vara-politiovasti, sigur við útvarpið í dag, at neyvari kanningar skulu gerast í málinum, og meðan tað arbeiðið er í gongd, hevur løgreglan onga viðmerking.