Bara grindalógin skal galda fyri grindadráp

Bara grindalógin skal galda fyri grindadráp
Tingmenn í andstøðu og samgongu hava lagt uppskot til samtyktar fyri tingið
Grindalógin skal galda fyri grindadráp, siga tingmenninir, sum hava lagt uppskotið fram.
 
05.12.2025 - 07:56

Nakrir tingmenn, bæði í samgongu og í andstøðu, lata ikki orðini hjá Jóhan Christiansen, fyrrverandi landsstýrismanni, fara aftur við borðinum.

Hann segði fyrr í vikuni, at verður niðurstøðan hjá dómsvaldinum, at lógin um djóravælferð gongur fram um grindalógina, er vert at umhugsa at broyta lógina um djóravælferð, so tað verður greitt, at hon ikki er galdandi fyri grindadráp.

Tað segði hann í sambandi við, at sýslumaður og grindamenn eru skuldsettir fyri at bróta lógina um djóravælferð í einum grindadrápi í Hvannasundi í summar.

Nú hava Jacob Vestergaard, Høgni Hoydal, Jóhannis Joensen, Bárður á Steig Nielsen, Karlot Hergeirsson og Steffan Klein Poulsen uppskot til samtyktar, sum teir kalla at verja rættin at veiða villini djór.

Teir biðja landsstýrið broyta lóggávuna soleiðis, at bara grindalógin er galdandi fyri grindadráp.

Brot skulu viðgerast sambært grindalógini, siga tingmenninir.

Les uppskotið her. 
 

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Nýggjastu sendingar í SV
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214