Nevnd í føroyskum sum annaðmál fær reglur at arbeiða eftir

Skjótt fær ráðgevandi nevndin í føroyskum sum annaðmál fyri vaksin reglur at arbeiða eftir.

Uppskot um kunngerð er gjørt og sent til hoyringar.

Hoyringarfreistin er stutt, bara tíggju dagar, til 21. november.

Í ráðgevandi nevndini eru umboð fyri hvønn samstarvsskúla, Fróðskaparsetrið, Útlendingastovuna, Nám og Undirvísingarstýrið.

Umboðið fyri Undirvísingarstýrið er forfólk í nevndini. 

Undirvísingarstýrið skipar undirvísingina saman við samstarvsskúlum. 

Samstarvsskúli kann vera ein miðnámsskúli ella annar skúli, sum landsstýrisfólkið góðkennir.

Ráðgevandi nevndin skal í minsta lagi hava fýra fundir um árið.