Almenningurin kann koma við uppskotum um nýskipanir

Nú ber til hjá almenninginum at koma við uppskotum til nýskipanir, sum kunnu styrkja langtíðarhaldførið í vælferðarsamfelagnum.

Tí nú heitir Nýskipanarnevndin, sum løgmaður setti fyrst í september mánaði, á almenningin um at koma við sínum  uppskotum til nýskipanir.

Á heimasíðuni hjá Løgmansskrivstovuni, lms.fo, liggur eitt oyðublað, har til ber hjá fólki at geva nevndini sítt uppskot til nýskipanir, sum styrkja langtíðarhaldførið í vælferðarsamfelagnum.

Eftir at hava skrivað navn, telefonnummar og adressu, kunnu fólk í einum teigi skriva, hvat júst teirra uppskot til nýskipan er.

Av løgmansskrivstouvni hava vit fingið at vita, at nevndin hevur eitt ynski um, at fólk skulu kunna koma við uppskotum, og til hetta hevur Nýskipanarnevndin fingið eina undirsíðu á heimasíðuni, lms.fo.

- Tað er eitt praktiskt ting, sum sigur ráðgevin hjá løgmanni.

Tey uppskot, sum koma inn, fara ikki til Løgmansskrivstovuna, men til sjálva nevndina, verður sagt av Løgmansskrivstovuni.