Bú- og heimatænastan í Suðuroy hevði fýra milliónir í halli

Bú- og heimatænastan í Suðuroynni hevði slakar fýra milliónir krónur í rakstrarhalli í fjør.

Fimm kommunur, Tvøroyri, Fámjin, Hov, Hvalba og Sumba, skulu gjalda.

Hinar báðar, Vágs kommuna og Porkeris kommuna, hava goldið ov nógv og fáa tí pengar aftur.

Inntøkurnar hjá Bú- og heimatænastuni vóru góðar 80,5 mió. kr. í fjør.

Lønarútreiðslurnar eru 80 prosent

Starvsfólkakostnaðurin var 64,5 mió. kr, 80 prosent av øllum útreiðslum hjá samstarvinum.

Tvøroyrar kommuna, sum er størsta kommuna í oynni, ber 37 prosent av rakstrarkostnaðinum.

Hon eigur tí góðar 2,1 millión av hallinum í fjør.

Tað verður fíggjað við eykajáttan.