Ógjørligt hjá misnýtarum at trappa niður sjálvi og koma í viðgerð

Sum er, kunnu misnýtarar ikki koma í viðgerð fyri misnýtslu, um teir ikki sjálvir hava trappað niður so frægt, at teir ikki eru rúsaðir, tá teir koma í viðgerð. Men hetta er so gott sum ógjørligt fyri ein, ið misnýtir rúsevni av tí heilt sterka slagnum.

- Tey noyðast at fáa hjálp til tað, sigur Mena Joensen, misnýtsluviðgeri. 

Tað tekur tíð og krevur røttu fakligu hendurnar. Og hetta er ein krevjandi uppgáva, sambært Menu Joensen.