Føroyar taptu tepurt fyri Hollandi

Føroyska manslandsliðið í hondbólti tapti tepurt fyri Hollandi í Golden League-kappingini í Tróndheimi í gjárkvøldið.

Dysturin endaði 30-29 til Holland, eftir at teir vóru frammanfyri 14-12 í hálvleikinum.

Eftir dystin var Óli Mittún kosin dagsins spælari hjá Føroyum. Óli Mittún var ein støðug hóttan móti holldendsku verjuni, og var toppskjútti við 6 málum.

Tríggir spælarar fingu sín fyrsta dyst á A-landsliðnum. Teir eru Høgni Hinason, Pauli Høj og Pauli Rasmussen.

Næsti dystur hjá Føroyum verður í morgin móti Noregi, sum er vertur. Dysturin byrjar kl. 15.45 og verður vístur í sjónvarpinum.