Italskur admiralur á fundi við íslendska uttanríkisráðharran

Íslendski uttanríkisráðharrin, Þorgérður Katrín Gunnarsdóttir, og formaðurin fyri hernaðarnevndini í Nato, Giuseppe Cavo Dragone, tosaðu eisini um hækkaða stuðulin frá Íslandi til Nato, og um stuðul til ukrainsku verjuna í sambandi við russisku innrásina, skrivar heimasíðan hjá íslendsku stjórnini. 

Italski admiralurin, Giuseppe Cavo Dragone, hevur hægsta embætisstarv í hernaðarligum høpi í Nato, og hann er eisini ráðgevi hjá aðalskrivaranum Mark Rutte. Hann er eisini talsmaður hjá verjusamgonguni í hernaðarmálum. Hetta er fyrsta vitjan hjá Dragone í Íslandi. 

Embætisfólk í íslendska uttanríkisráðnum fara at kunna hann um verjuførleikarnar hjá Íslandi, og Dragone fer at tosa um Norðurpólkringin.

Dragone er formaður í hernaðarnevndini, sum ráðgevur Fasta Ráðnum hjá Verjusamgonguni um, hvussu týðandi trygdaravbjóðingar til eina og hvørja tíð kunnu loysast. Í hernaðarnevndini sita hernaðarlig umboð frá teimum 32 føstu nevndunum hjá Nato, m.a. eitt borgarligt umboð úr Íslandi.