Fólkakirkjan limur í Porvoo

Føroyska fólkakirkjan er vorðin limur í kirkjuliga felagsskapinum Porvoo.

Tað hendi í Cardiff í Wales týsdagin.

Porvoo er eitt kirkjuligt samstarvsskjal við umboðum úr norðurlendskum, anglikanskum og europeiskum kirkjum.

Endamálið er at styrkja felags apostólsku trúnna og skapa størri fatan um kirkjuliga embætið og kirkjuligu tænastuna.

Umframt føroysku fólkakirkjuna eru kirkjur úr 15 londum í Porvoo.

Jógvan Fríðriksson, biskupur, og Bergur Berg, fulltrúi, skrivaðu undir samstarvsskjalið millum Porvoo og fólkakirkjuna og Almanna- og Mentamálaráðið.