Eingin sigling, men tyrlan ger eykatúr

Eingin sigling er á suðuroyarleiðini í dag fyri veður, men Strandferðslan boðar frá, at tyrlan fer at at gera eykatúr millum Havnina og Froðba.

Nærri kunning um eykatúrin og bílegging verður á heimasíðuni hjá Strandferðsluni, ssl.fo.

Strandferðslan boðar eisini frá, at broytingar verða gjørdar á suðuroyarleiðini í morgin fyri veður. 

Túrurin av Krambatanga við Galaxy klokkan 7.00 er fluttur til klokkan 6.00. Og túrurin av Havnini klokkan 10.30 er fluttur til klokkan 9.30.

Síðani verður siglt eftir ferðaætlanini.