Vit gleðast um at hjálpa

Í sjey ár hevur Ivonna Johansen stríðst við krabbamein. Av tí sama hevur hon fingið nógvar viðgerðir, sum hava ávirkað hennara lívsgóðsku álvarsliga. Nú hevur hon leitað sær nýggja viðgerð í Týsklandi, sum ikki er partur av føroyska ella danska heilsuverkinum. Hendan viðgerðin er sera kostnaðarmikil, og Ivonna má sjálva gjalda fyri hana.

Ivonna hevur alment verið úti og biðið um hjálp til fíggjarligan stuðul, og vinkonurnar Rannvá Olsen og Birita Jacobsen hava eisini brett upp ermar fyri at hjálpa vinkonuni.

Tær hava skipað fyri fleiri stuðulstiltøkum til frama fyri Ivonnu og eru sera glaðar fyri alla ta hjálp, tær longu hava fingið.

Men enn er langur vegur. Leygarkvøldið 11. oktobur verður skipað fyri stuðulstiltakið, sum eitur "Eg ynski so brennandi at liva". Til ber at lesa meira um hetta á www.atgongumerki.fo.

Rannvá Olsen og Birita Jacobsen vitjaðu morgunsendingina: