Bolsonaro dømdur sekur fyri kvettroynd í Brasil

Fyrrverandi brasilski forsetin, Jair Bolsonaro, er dømdur sekur í hægstarætti fyri kvettroynd. 

Hann er millum annað dømdur fyri at ætlanir um at drepa Lula Da Silva, sum hann tapti valið fyri í 2022. 

Hann skal sita í fongsli í 27 ár og tríggjar mánaðir. Bolsanaro er 70 ára gamal, og dómurin kann hava við sær, at hann skal sita í fongsli restina av lívinum. 

Fýra av fimm dómarum atkvøddu fyri at døma hann sekan. 

Umframt kvettroynd er Bolsonaro eisini dømdur í fýra øðrum ákærum, millum annað fyri at vera við í einum vápnaðum kriminellum felagsskapi, og fyri at hava roynt at beina fyri demokratinum við harðskapi. 

Hann skal tó ikki inn at sita, fyrr enn allir møguleikar at kæra dómin eru brúktir og dómurin endaliga staðfestur.

Og tað er sannlíkt, at Bolsonaro fer at kæra, sambært Reuters.