Verjumálaráðið í USA fer at eita krígsmálaráðið

Verjumálaráðið í USA fer at eita krígsmálaráðið
Broytingin verður kunngjørd í dag, skrivar Fox News, og verjumálaráðharrin fer hereftir at eita krígsmálaráðharri
Verjumálaráðið Pentagon verður nú krígsmálaráð.
Mynd: Shutterstock.com  
 
05.09.2025 - 08:16

Amerikanska verjumálaráðið broytir nú navn, og skal nú aftur eita krígsmálráðið, sum tað æt fram til 1949, skrivar Fox News. 

Broytingin verður kunngjørd í dag, skriva rásin.

- Í boðum frá forsetanum í dag, tekur Donald Trump, forseti, aftur í brúk gamla navnið Krígsmálaráðið (Department of War), men núverandi navnið, Verjumálráðið, skal eisini brúkast, sigur eitt embætisfólk í Hvítu húsunum við Fox News.

 

Donald Trump. (Mynd: AFP/Ritzau Scanpix)

 

Krígsmálaráð og sigrar

Á fundi við suðurkoreiska forsetan, Lee Jae Myung, 25. august, nevndi Trump navnabroytingina:

- Øll vóru fegin um eina ótrúliga søgu um sigrar, tá ið tað æt krígsmálaráðið. So broyttu vit tað til verjumálaráðið. So tað er ein smálutur, tað hevur einki við tykkara land at gera, men tað er nakað, sum eg haldi, at tit fara at hoyra um næstu tvær vikurnar. Helst verður tann broytingin gjørd í vikuni, segði Trump.

 

Pete Hegseth. (Mynd: Reuters/Ritzau Scanpix)

 

Krígsmálaráðharri

Verjumálaráðharrin, Pete Hegseth, fær við hesum heiti krígsmálaráðharri, sigur Fox News.

Hegseth hevur sagt, at broytingin skal endurspegla størri broyting í Pentagon:

- Vit hava endurreist krígsmentanina í ráðið. Vit vilja hava krígsmenn, fólk sum skilja, hvussu tú effektivt vinnur á fíggindanum. Vit vilja ikki hava endaleys tilbúgvingartiltøk og bara spæla í verjuni. Vit halda, at orð, navn og heiti hava týdning. Tí arbeiða vit saman við forsetanum við hesum. Tit fáa at síggja, segði Hegseth.

Er kopiera
Nýggjastu sendingar í ÚV
Leygardag 14. november
Jambalaja - 141126
216417
Leygardag 14. november
Upp á tá - 131126
216412
Fríggjadag 13. november
Vikuskiftið 13 nov 2026
216396
Fríggjadag 13. november
LEITISSTEIN 13.11.2026 (Anna Katrin Egilstrøð)
216384
Nýggjastu sendingar í SV
Sunnudag 15. november
Eitt dýpi av dýrari tíð 2:2
216214
Leygardag 14. november
Eitt dýpi av dýrari tíð (1:2)
216213
Fríggjadag 13. november
Veðrið
216392
Fríggjadag 13. november
Dagur og vika - teknmálstulkað
216364
Hósdag 12. november
Veðrið
216328