Ríkismyndugleikarnir skulu eisini fáa atgongd til Landsfólkayvirlitið

Ríkismyndugleikarnir í Føroyum eiga eisini at fáa atgongd til Landsfólkayvirlitið.

Løgmálaráðið hevur gjørt lógaruppskot, sum skal geva ríkismyndugleikum greiða heimild til at fáa upplýsingar úr Landsfólkayvirlitinum.

Sambært galdandi løgtingslóg um fólkayvirlit er eingin heimild at lata ríkismyndugleikum upplýsingar úr Landsfólkayvirlitinum.

Loysnir hjá Talgildu Føroyum

Uppskotið tryggjar, at ríkismyndugleikar í Føroyum kunnu brúka loysnirnar hjá Talgildu Føroyum til at veita føroyingum sínar tænastur talgilt. 

Ríkismyndugleikar í Føroyum eru Ríkisumboðið, politiið, Føroya rættur, Kriminalforsorgin, landslæknin, Arktisk kommando og Sjóferðslustýrið.

Til samanbering kann nevnast, at føroyskir myndugleikar sambært donsku CPR-lógini hava heimild til beinleiðis at heinta upplýsingar úr CPR. 

Les meira um uppskotið her.