Dómurin um viðbót til fyrrverandi leiðara á Heilbrigdi staðfestur

Eystari landsrættur hevur staðfest dómin hjá Føroya rætti um viðbótina hjá Sjúrði Knudsen, sum var leiðari á Heilbrigdi.

Føroya rættur segði í apríl í fjør, at Heilbrigdi skal gjalda 330.800 kr. umframt rentu í viðbót.

Og tað sigur Eystari landsrættur nú eisini.

Heilbrigdi var eisini dømt at rinda sakarkostnaðin hjá Sjúrði Knudsen, góðar 90.000 kr. 

Sjúrður Knudsen fór frá sum leiðari á Heilbrigdi 1. februar í 2023. Tá var fráfaringaravtala gjørd millum hann og Heilbrigdi.

Vildu ikki góðtaka viðbótina

Hann segði seg hava gjørt avtalu um viðbót, tá hann var settur.

Men Heilsumálaráðið og Heilbrigdi vildu ikki góðtaka viðbótina, sum tí ongantíð var goldin.

Sjúrður Knudsen stevndi tí Heilbrigdi.

Sjúrður Knudsen var leiðari á Heilbrigdi frá 1. mai 2018