- Tíðindi, mentan og ítróttur
ES fordømir ísraelskt álop á sjúkrahús
ES fordømir ísraelskt álop á sjúkrahús
Sivil og journalistar skulu verjast sambært altjóða lóg, sigur ein ES-talsmaður
Í minsta lagi 20 fólk doyðu í ísraelska álopinum á hetta sjúkrahúsið í Gasa í gjár.
Mynd: AFP/Ritzau Scanpix
26.08.2025 - 14:28
ES fordømir álopið á Nasser-sjúkrahúsið í Khan Younis har suðuri í Gasageiranum í gjár , har í minsta lagi 20 fólk lótu lív, skrivar NRK.
- Ísraelska álopið á Nasser-sjúkrahúsið kann als ikki góðtakast, sigur talsmaðurin fyri ES-nevndina, Anouar El Anouni.
- Sivil og journalistar skulu verjast sambært altjóða lóg. Nú hava sivil í Gasa liðið alt ov leingi. Stundin er komin at bróta henda ringin, segði hann á tíðindafundi fyrr í dag.
Í minsta lagi 20 fólk, teirra millum fimm journalistar, lótu lív í álopinum.
Ísraelski forsætisráðharrin, Benjamin Netanyahu, sigur, at Ísrael harmast. Hann sigur, at álopið var eitt óhapp, skrivar Reuters.
Sí innslag í Degi og viku her:
250825_DV_KAN_YOUNIS
Er kopiera
Nýggjastu sendingar í ÚV
Nýggjastu sendingar í SV
