AFTURLIT: 40 ár síðani Sigurd svam og rann úr Akrabergi til Kirkju

Í dag kenna fólk flest Sigurd Leifsson Lamhauge sum ein skjótt snakkandi stjóra.

Í løtuni er hann stjóri hjá IRF, men áðrenn tað var Sigurd stjóri í Landsverki, har tað ofta rak ímóti hjá honum.  

Men tað er á ongan hátt ókent fyri Sigurd at tað rekur hart ímóti. Tað vit øll, ið eru komin eitt sindur til árs.

Frá sunnast til norðast 

Fyri 40 árum síðani, í 1985, framdi tann einans 22 ára gamla Sigurd Leifsson Lamhauge tað bragd at svimja og renna úr Akrabergi í Suðuroy til Kirkju í Fugloy - úr sunnast til norðast í landinum. 

Hetta er eitt bragd, ið eingin enn hevur gjørt Sigurdi eftir. 

Nógv bleiv gjørt burtur úr ferðini hjá Sigurdi í bæði útvarpinum, sjónvarpinum og í prentaðu miðlunum, og allastaðni Sigurd fór, fylgdu nógv fólk við honum. 

Sigurd Lamhauge 1985

Ein lærurík ferð fyri ein havnardrong

Í stuttari viðmerking við In.fo, nú tað eru 40 ár liðin síðani bragdið, sigur Sigurd Leifsson Lamhauge:

- Hatta var ein minnilig og lærurík ferð fyri ein 22 ára gamlan havnardrong.

Sjónvarp Føroya hevði eina sending um bragdið hjá Sigurdi Leifssyni Lamhauge, júst sum hann var komin á mál.  

Sendingin um bragdið hjá Sigurdi kann síggjast her: 

Prentaðu miðlarnir gjørdu eisini nógv burtur úr bragdinum hjá Sigurdi Leifssyni Lamhauge. 

Eisini á In.fo er nógv gjørt burtur úr 40 ára dagnum. 

Sigurd Lamhauge, ÍtróttarSosialurin 1985

SÍ EISINI: Grein í ÍtróttarSosialinum 13. august 1985