FO-Ráðið má taka støðu til svartalambi.fo

Renna vit okkum í heimasíður, sum til dømis verða brúktar til phishing ella síður, sum hava kopierað samleikan frá fólki, so kunnu síðurnar takast niður. Men um royndin á heimasíðuni svartalambi.fo, brýtur lógina so nógv, at síðan skal takast niður, kann Guðrun Poulsen, stjóri í FO-Ráðnum ikki siga í verandi løtu.

Tað má FO-Ráðið taka støðu til á fundi, ið ráðið heldur einaferð um mánaðin.

FO-ráðið umsitur allar føroyskar heimasíðu

Guðrun Poulsen leggur afturat, at FO-Ráðið í vár samtykti eina nýggja reglugerð, sum hevur við sær, at Ráðið nú skjótari kann taka síður niður, sum bróta føroyska lóg. Í tí sambandi veit hon eisini at siga, at Ráðið hevur tikið eina síðu niður, sum hevði til endamáls at selja rúsevnir til føroyingar, og tað er ólógligt.

Hoyr Guðrun Poulsen greiða frá: