Skeivt at umvæla skuggaskip

- Eg haldi ikki, at skipasmiðjur í Danmark skulu lata skipum, sum sigla við russiskum gassi, veitingar.

Tað sigur Morten Bødskov, vinnumálaráðharri, í svari til Sjúrð Skaale, fólkatingsmann.

Ráðharrin sigur, at Danmark fyrr hevur skotið upp, at revstiltøkini hjá ES móti Russlandi umfata veitingar hjá skipasmiðjum til skip, sum flyta russiskt gass. 

Í síðstu viku kom fram, at danskar skipasmiðjur lata skipum, sum sigla við russiskum gassi, veitingar.

Skipini eru skrásett í øðrum londum enn Russlandi.

Tey eru í tí, sum verður rópt skuggaflotin hjá Russlandi.

Í síðstu viku svaraði Morten Bødskov Sjúrði Skaale, at Danmark ger eingi revsititøk móti Russlandi uttanum ES.