Løgtingsmaður: - Hetta eru spælireglurnar

Løgtingsmaður: - Hetta eru spælireglurnar
Løgtingsmaðurin Kim Durhuus skal atkvøða um broytingar í sjófeingislógini, sum kunnu geva betri sømdir til eitt felag, hann sjálvur eigur í
Kim Durhuus, løgtingsmaður
 
22.01.2025 - 18:28

- Eg dugi ikki at síggja, um broytingarnar í sjófeingislógini vera til fyrimuns ella vansa fyri okkum.

Tað sigur Kim Durhuus, sum bæði er ein av eigarunum í uppsjóvarskipinum Biritu, og tingmaður fyri Javnaðarflokkin, og tí skal viðgera sjófeingislógina.

Birita er eitt av nýggjastu uppsjóvarskipunum í landinum. Tað byrjaði í 2021, tá ið smápartafelagið Gráastein fekk útlutað serligar uppsjóvarkvotur til verkætlanir, sum - sambært heitinum - skuldu "snúgva seg um ítøkilig skipakeyp". 

Tvey reiðarí vórðu vald úr rúgvuni - Gráasteinur í Havn og Ango í Vági.

Eigaraviðurskiftini hjá uppsjóvarskipinum Biritu. Løgtingsmaðurin Kim Durhuus eigur part í skipinum

 

Eigarar í Gráasteini, sum eigur skipið Birita, eru smápartafelagið BL, sum Birgir Lützen eigur, og so smápartafelagið 14.05, har Kim Durhuus er meirlutaeigari. Birgir Lützen eigur gjøgnum sítt felag 60 prosent í Gráasteini, sum eigur Biritu, meðan felagið, har Kim Durhuus er meirlutaeigari, eigur 30 prosent í Gráasteini. Síðstu 10 prosentini í Biritu eigur Gráisteinur.

Í 2023 avreiddi Birita fyri 121,2 milliónir krónur.

Felagið lat fyrradagin inn hoyringarsvar í sambandi við uppskotið hjá Dennisi Holm um at gera broytingar í sjófeingislógini.

"Tá man bjóðar seg fram til Løgtingið og verður valdur inn og verður ein av teimum 33, sum tekur avgerðir, so tekur man avgerðir, sum umfata bæði ein sjálvan og øll onnur, sum búgva her í landinum. Tað er ein partur av tí," sigur Kim Durhuus.

 

Hoyrið innslag her:

Birita1

 

Er kopiera
Nýggjastu sendingar í ÚV
Fríggjadag 14. februar
Breddin: Trump aftur í Hvítu húsunum
187774
Fríggjadag 14. februar
Morgunlestur fríggjadagur 14.februar 2025
186669
Hósdag 13. februar
RagnarRokk 13.februar 2025
186373
Hósdag 13. februar
Carl Berglund um Echoes
186371
Nýggjastu sendingar í SV
Fríggjadag 14. februar
Dagur og vika - teknmálstulkað
187762
Mikudag 12. februar
Merkja grind
187663
Týsdag 11. februar
Veðrið
187639
Týsdag 11. februar
Dagur og vika við 3-2 - teknmálstulkað
187616
Sunnudag 9. februar
Guðstænasta úr kirkjuni á Leiti
187534