Vápnahvíldin millum Ísrael og Hamas er nú komin í gildi

Skrivstovan hjá ísraelska forsætisráðharranum upplýsir, at vápnahvíldin kom í gildi klokkan 11:15 lokala tíð - tað er klokkan 09:15 føroyska tíð. 

Tað skrivar Reuters.

Vápnahvíldin skuldi annars byrja klokkan hálvgum sjey okkara tíð í morgun, men varð útsett, tí Ísrael ikki hevði fingið navnalistan yvir teir tríggjar gíslarnar, sum eru kvinnur, ið skulu latast leysir seinni í dag.

Ísrael fekk navnalistan fyri stuttari tíð síðan, og hevur eftirfylgjandi boðað frá, at vápnahvíldin er komin í gildi eftir eina lítla seinking.

Tær tríggjar kvinnurnar eru 31 ára gamla Doron Steinbrecher, 28 ára gamla Emily Damari og 24 ára gamla Romi Gonen, skrivar BBC.

Tilsamans 33 gíslar verða væntandi leyslatnir í fyrsta umfari av vápnahvíldini. Á X hevur Ísrael upplýst, hvørjir teir 33 gíslarnir eru.