Meinhard til Danmarkar at spæla

Meinhard E. Olsen hevur skrivað undir við Kolding IF. 

Tað skrivar felagið á heimasíðu sínari.

27 ára gamli vongurin sigur við heimasíðuna hjá felagnum, at hann kemur til felagið upp á eitt gott tíðspunkt, tí hansara meting er, at felagið og fólkini aftanfyri eru sera ambitiøs.

- Eg eri sjálvur ógviliga málrættaður. Øll í felagnum hava tikið væl ímóti mær, og nú gleði eg meg at hitta allar Kolding fjepparar eftir vetrarsteðgin, har vit skulu stríðast um at koma í Topp 6-endaspælið, sigur runavíkingurin.

Kolding liggur í løtuni á 7. plássi í næstbestu deildini í Danmark.

Meinhard Olsen hevur spælt 34 landsdystir fyri Føroyar.