Hóttan um álop á jólamarknað

Hóttan um álop á jólamarknað
Løgreglan í týska havnarbýinum Bremerhaven handtók í gjár ein mann, sum á TikTok hótti við at fremja álop á jólamarknaðin í býnum
Fríggjakvøldið koyrdi ein maður inn í mannamúgvuna á jólamarknaðinum í týska býnum Magdeburg.
 
23.12.2024 - 09:07

Løgreglan í týska havnarbýinum Bremerhaven handtók í gjár ein mann, sum á TikTok hótti við at fremja álop á jólamarknaðin í býnum.

Løgreglan megnaði at eyðmerkja mannin stutt eftir, at hann hevði boðað frá hóttanini og handtók hann. 

Løgreglan vil einki siga um hóttaninar og hvussu álvarsligar tær vóru, men sigur, at eingin vandi var á ferð fyri fólkið.

Fimm deyð

Fríggjadagin koyrdi ein 50 ára gamal maður inn í eina mannamúgvu á jólamarknaðinum í býnum Magdeburg har eystri í Týsklandi. 

Í minsta lagi fimm fólk, m.a ein níggju ára gamal drongur, lótu lív.

Meira enn 200 fólk fingu skaða, og 41 av teimum fingu álvarsligan skaða.

Álop av tí slagnum, sum hendi í Magdeburg, kann ofta geva øðrum íblástur til aðrar líknandi brotsgerðir, siga serfrøðingar, sambært NTB.

Er kopiera
Nýggjastu sendingar í ÚV
Fríggjadag 14. februar
Breddin: Trump aftur í Hvítu húsunum
187774
Fríggjadag 14. februar
Morgunlestur fríggjadagur 14.februar 2025
186669
Hósdag 13. februar
RagnarRokk 13.februar 2025
186373
Hósdag 13. februar
Carl Berglund um Echoes
186371
Nýggjastu sendingar í SV
Fríggjadag 14. februar
Dagur og vika - teknmálstulkað
187762
Mikudag 12. februar
Merkja grind
187663
Týsdag 11. februar
Veðrið
187639
Týsdag 11. februar
Dagur og vika við 3-2 - teknmálstulkað
187616
Sunnudag 9. februar
Guðstænasta úr kirkjuni á Leiti
187534